浪漫演義

展品唔夠多又唔夠精的展覽，係徐老怪粉絲的話可省返車錢。(恨睇七把道具劍除外。我個人不喜歡七劍，所以感覺不大)

假假地都叫廿五年，王大導的講法即係四份一世紀，一係唔攪，要攪就攪得好好睇睇。估佢唔到似海報展多過回顧，都算，鬼叫啲Poster真係靚得淒涼，但係《笑傲漿糊》咁多張Poster係無水墨畫果張，就真係抵打。

都係拿本《劍嘯漿糊》出來煲多次比較有好報。學霑叔話齋，咁多年來大家對徐老怪佢老人家咁容忍，都係因為等緊佢個大高潮。

林檎女王獲藝術選奨文部科學大臣新人賞之雜想

-2009年3月6日，林檎女王獲日本藝術選奨，文部科學大臣新人賞。Category居然是「大衆芸能」!! 感覺居然比想當然耳的「音樂」更令人覺得啱數 — 尤其當你知道女王經常於訪問中流露對紅白樂壇之藐咀藐舌。(其他項目, 「大衆芸能」大臣賞為小田和正、「映画」為我喜愛的蒼井優、「メディア*芸術」為二刀流井上潺井上雄彥)

-康港「藝人」(洋文Artiste, 冇打錯, 某老屎忽教落，後面係要多個E的，典故可能出自中文人讀英文有尾音：「呃Tit屎」。事實是Artiste為Artist之法蘭西文...有點扮錯high的感覺, 咁又反而啱數)此等奇怪名銜之產生，絕對歸疚於圈內物種分類之困難，學甘sir話齋，齋舞一範，都處於搭錯"車立"狀態，份外濕滯，硬係要歌影視唱作十九幾棲(近年開始要每年豬展出埋書)先有運行。對白都有句：「我唔上唔落咪仆街?!」(by保安隊長盧雄@回魂夜)。所以任康港的「大衆芸能」從業員於音樂有幾瘋狂，都似乎有返幾毫子羞恥心，不太敢叫自己做「音樂家」。叫「漫畫家」似乎都無運行，只計較於手畫靚唔靚事小，要你同馬榮成比身家事大!

-越來越怕老嘢扮後生，「甚麼年齡做甚麼事」是最近期之格言；所以越來越buy靳埭，越來越唔buy Tommy(查實從來無buy過)。不要永遠expect《歌舞伎町女王》或《罪與罰》。剛過三十歲的女人，有個七歲的兒子，不同階段寫不同心態的歌，討好過四十幾勾仲要話自己好火。

-金融海嘯之影響，見諸於女王十年EXPO dvd製作之粗劣及拍攝之馬虎。演唱會原本頗具女王氣勢之開場, dvd一滴都無剩。

相關網址:
-平成20年度芸術選奨

*溫馨翻譯: メディア = MEDIA

新宿事件

「國內同胞隻身到日本新宿打拼闖出一片天」 — 很難不叫人想到李小牧。電影放完後故意留下來看end roller, 果然發現(如果無記錯)劇本顧問：李小牧。
中國人笑貧不笑娼？我覺得他現在連娼都算不上了(基本上從來不覺得他是),且看國內公仔箱節目《鏘鏘三人行》有關他的第二次訪問：

學主持人話齋：人家洗底了(請捲脷讀出)。七本書八個專欄，如他所說都不再是關於歌舞伎町的了。

我其實最想跟他學會話。

伊藤潤二得得B

於旭屋書店驚見伊藤潤二新作，以封面切雞推斷，似乎走cutie路線，講日常養貓逸事，但畫風不變，反而更加恨睇......



一早覺得經典的咬釘少年是伊藤潤二本人，下圖證實所言非虛:

炸藥少年

三個熱愛科學的少年。剛剛好齊腳做朋友、朋友二號及山根博士。
差人應該調查有冇同學唔見咗預言書。

無飲野

每年總會收到好幾個「我們結婚了，嚟唔嚟飲我果餐?」之類的炸彈電話 / email / msn msg / facebook msg，有部份我會選擇不收帖、人不到禮亦不到。現在一次過告訴這些人我不出現的理由：

-問我「嚟唔嚟飲我果餐?」之前，先問問自己我們多久沒聯絡了。
-也有久沒聯絡但依然深交的，那先問問自己我們是否稱得上深交。
-對，我也沒跟你有任何聯絡，我不曾主動問候你是因為我其實不太關心你，換言之是普通過普通的普通朋友。
-普通朋友也罷了，我當戥你高興大家食餐飯。但大家都飲過幾多餐了?? 都聽過不少「哎吔你以為啦，其實有錢賺㗎佢地擺酒~~」之類的說話。大家交情泛泛我為甚麼要俾錢你賺? 除非大家都有人性地入報紙當人情。
-中學同學更不用說了，基本上畢業後已如陌路。我facebook的朋友名單有你的名字只代表我認識你，不代表我跟你熟絡。

不要再打這些炸彈電話了，不賞面就是不賞面，如果大家的交情是足夠令我由衷戥你們高興的話我自然會出現，否則你省口氣到時飲多杯好過。

賽馬會錯意偽術中心

MCB(音樂殖民地)有個聚集大量本地indie友的forum, 其中有個叫浪人N的哥仔是該秘密基地的活躍份子，留言永遠意簡言賅、字字珠磯、屬快人快語之輩。周日忽然早起，百無聊賴上秘密基地hae, 喜見N sir開火狂轟「賽馬會錯意偽術中心」，用字簡單直接、一擊即中，實在令人精神一振：

擺明做馬.

入到門口見到間茶樓已經知出事,然後跟個實蕉發財埋便,帶位姐姐話廣場有打飛機話劇睇,瞄一瞄台上班友,個個玩緊標童,鬼食泥當交戲,仲雞過片場飛紙仔,即搣.
一於同你死亡遊戲逐層掃場.
呢班圍威喂所謂artist,擺幾幅鬼劃符,濕尻相,鴨記手作,雕你個塑全部唔入流,你唔汗顏都應該濕撚晒,部份仲閂埋門玩魚旦檔暗格,當中唔排除有人公器私用,全場得個二胡師父叫似番個人,老人家一早睇穿個局.落到樓下打大佬,販賣集體回憶住.好.啲.直頭打開門口做生意.

香港地工業死inide死,睇完馬會呢壇楂流灘,輸馬都冇咁dum袋

原文: http://phpbb3.mcb.com.hk/viewtopic.php?t=7206

問世間知我者，莫若N sir